- અભિનેત્રીએ ટીવી સિરિયલમાં કર્યું હતું કામ
- સુશાંતસિંહ રાજપુત સાથે કર્યો અભિનય
મુંબઈઃ હિન્દી ફિલ્મ ઈન્ડસ્ટ્રીઝની સુંદર અભિનેત્રીઓના નામ લેવામાં આવે તો સૌ પ્રથમ નામ મધુબાલાનું આવે. ભારતીય સિનેમા જગતમાં અભિનેત્રી મલુબાલાનું નામ ગોલ્ડન અક્ષરે લખાયેલું છે. મધુબાલા આજે આ દુનિયામાં હયાત નથી પરંતુ તેમના કરોડો પ્રસંશકો આજે પણ છે. અનેક યુવતીઓ મધુબાલા જેવા દેખાવવાનો પ્રયાસ કરે છે. પરંતુ પ્રિયંકા કાંડવાલા નામની એક અભિનેત્રી સોશિયલ મીડિયામાં મલુબાધાનો ખિતાબ મળ્યો છે. અભિનેત્રી મધુબાલાના ગીતો પર બ્લેક એન્ડ વ્હાઈટમાં વીડિયો બનાવીને સોશિયલ મીડિયામાં શેર કરતી હતી. બીજી તરફ તેના વિડિયો ગણતરીની મીનિટમાં વાયરલ થઈ જાય છે. જ્યારે પ્રિયંકાને થયું કે, તેમના અંદાજમાં લોકોને મધુબાલા દેખાય છે તો તેણે મધુબાલાની સ્ટાઈલમાં જ અનેક વીડિયો બનાવ્યાં છે. તેમજ આ વીડિયોને સોશિયલ મીડિયામાં શેર કરે છે.
હાલ ભારતમાં ટીકટોક બંધ છે પરંતુ અભિનેત્રી તેના વીડિયો ઈન્સ્ટાગ્રામ સહિતના પ્લેટફોર્મ ઉપર શેર કરે છે. પ્રિયંકા કાંડવાલાને પ્રથમ બ્રેક ટીવી સિરીયલ પવિત્ર રિશ્તામાં મળ્યો હતો. આ સિરીયલમાં સુશાંતસિંહ રાજપુત અને અંકિતા લોખંડે લીડ રોલમાં હતા. પ્રિયંકાના પ્રશંસકોના જણાવ્યા અનુસાર પ્રિયંકાનો લુક ગણોબધો મધુબાલા સાથે મળતો આવે છે. તેમજ મધુબાલાની જેમ તૈયાર થાય છે ત્યારે તેનામાં મધુબાલાની છબી દેખાય છે. અનેક લોકો સોશિયલ મીડિયામાં પ્રિયંકાને મધુબાલાના નામથી જ ઓળખે છે. એટલું જ નહીં પ્રિયંકાના વિડિયોને પસંદ કરે છે. અત્રે ઉલ્લેખનીય છે કે, આજના આધુનિક જમાનામાં સોશિયલ મીડિયાના મારફતે અનેક યુવાનો પોતાનામાં છુપાયેલા ટેલેન્ટને દર્શાવવાનો પ્રયાસ કરે છે. રાનુ મંડલનું ગીત સોશિયલ મીડિયામાં જ વાયરલ થયા બાદ તેને ફિલ્મોમાં અવાજ આપવાનો મોકો મળ્યો હતો.