વોટ્સએપ ગ્રુપમાં થવા જઈ રહ્યો છે સૌથી મોટો બદલાવ,હવે નંબર નહીં આ રીતે દેખાશે તમારી ઓળખ

વિશ્વની સૌથી લોકપ્રિય ઇન્સ્ટન્ટ મેસેજિંગ એપ WhatsApp પોતાની ગ્રુપ ચેટને લઈને સૌથી મોટો ફેરફાર કરવા જઈ રહી છે. અત્યાર સુધી, લોકો કોઈપણ ગ્રુપમાં જોડાવા માટે સૌથી વધુ ટેન્શન એ હતું કે ત્યાં હાજર દરેક યુઝર્સ તમારો નંબર જોઈ શકે છે અને તમને અનિચ્છનીય સંદેશાઓ અથવા કૉલ્સ મોકલી શકે છે.ઘણા લોકો તેનો ઉપયોગ વ્યવસાય અથવા સ્પામ મેસેજિંગ માટે પણ કરે છે.પરંતુ હવે વોટ્સએપ યુઝર્સ આ સુરક્ષા સંકટમાંથી મુક્તિ મેળવવા જઈ રહ્યા છે.

WAbetainfoના એક રિપોર્ટ અનુસાર, WhatsApp ગ્રુપના સભ્યો માટે એક નવું ફીચર લાવવાની તૈયારીમાં છે. આ ફીચરની મદદથી, જ્યારે પણ કોઈ યુઝર ગ્રુપનો હિસ્સો છે, તો તેને ગ્રુપના જ કોઈ પાર્ટિસિપન્ટ તરફથી મેસેજ મળશે, તેને ઓળખવામાં સરળતા રહેશે. નવા ફીચરની મદદથી વોટ્સએપ યુઝર ચેટ લિસ્ટમાં દેખાતા ફોન નંબરને બદલે સેન્ડરનું નામ જોશે.

ઘણીવાર લોકો ગ્રુપમાં સામેલ લોકોના નંબર તેમના ફોનમાં સેવ કરતા હતા અને પછી તેમને ખાનગી મેસેજ મોકલતા હતા. પરંતુ હવે વોટ્સએપ યુઝરનું નામ ડિસ્પ્લે થશે જ્યારે તે ગ્રુપનો ભાગ હશે, વોટ્સએપ સહભાગીનો નંબર છુપાવશે.આ ફીચર બીટા ટેસ્ટિંગ વર્ઝનમાં રોલઆઉટ કરવામાં આવ્યું છે. સંભવ છે કે તે આવતા મહિના સુધીમાં તમામ યુઝર્સ પાસે આવી જશે.

પરંતુ વોટ્સએપનું આ પગલું તમને સંપૂર્ણ સુરક્ષા આપશે, તે શક્ય નથી. અજાણ્યા ગ્રૂપ પાર્ટિસિપન્ટનો નંબર ત્યારે જ જોઈ શકાય છે જ્યારે ગ્રૂપની ચેટ લિસ્ટ પર કોઈ મેસેજ આવે. જો ગ્રુપ પાર્ટિસિપન્ટ વ્હોટ્સએપ યુઝરને પર્સનલ મેસેજ મોકલે છે, તો તે કિસ્સામાં ફીચર કામ કરશે નહીં