જયપુર:વડાપ્રધાન નરેન્દ્ર મોદી 17 સપ્ટેમ્બરે તેમના જન્મદિવસે મધ્યપ્રદેશના કુનો નેશનલ પાર્કમાં નામીબિયાથી લાવવામાં આવેલા આઠ ચિત્તાઓને છોડશે.કેન્દ્રીય પર્યાવરણ, વન અને આબોહવા મંત્રી ભૂપેન્દ્ર યાદવે સોમવારે અહીં જણાવ્યું હતું કે,કુનો રાષ્ટ્રીય ઉદ્યાનમાં ચિત્તાઓને રાખવાની તૈયારીઓ યુદ્ધના ધોરણે ચાલી રહી છે.
તેમણે કહ્યું કે,નામીબિયાથી લાવવામાં આવેલા ચિત્તાઓને 30 દિવસ સુધી ‘ક્વોરેન્ટાઈન’માં રાખવામાં આવશે.આ માટે વાડની વ્યવસ્થા કરવામાં આવી છે. યાદવે માહિતી આપી હતી કે, કેન્દ્રીય કૃષિ અને ખેડૂત કલ્યાણ મંત્રી નરેન્દ્ર સિંહ તોમર અને મધ્યપ્રદેશના મુખ્યમંત્રી શિવરાજ સિંહ ચૌહાણે પણ કુનો નેશનલ પાર્કમાં તૈયારીઓનું નિરીક્ષણ કર્યું હતું.
યાદવે કહ્યું કે,ચિત્તાઓનું પરત ફરવું એ એક ઐતિહાસિક પગલું છે.આનાથી પર્યાવરણીય સંતુલન જાળવવામાં સરળતા રહેશે એટલું જ નહીં સ્થાનિક લોકો સુધી ખુશીનો સંચાર થશે. કુનો રાષ્ટ્રીય ઉદ્યાનની વચ્ચેથી વહેતી કુનો નદી, કુદરતી સંસાધનોથી ભરપૂર છે, તે માત્ર તેને વધુ સુંદર બનાવે છે.
કુનો નેશનલ પાર્કમાં 174 વિવિધ પ્રકારની પક્ષીઓની પ્રજાતિઓ છે.પક્ષીઓની 12 પ્રજાતિઓને દુર્લભ શ્રેણીમાં ગણવામાં આવે છે. 2010 માં, કેન્દ્રીય પર્યાવરણ અને વન મંત્રાલયની સૂચનાઓ પર, વાઇલ્ડલાઇફ ઇન્સ્ટિટ્યૂટ ઑફ ઇન્ડિયાએ ભારતમાં ચિત્તાના પરત આવવા માટે સંભવિત વિસ્તારોનું સર્વેક્ષણ કર્યું હતું.
