આ વર્ષની પ્રથમ મિલિટરી કમાન્ડર્સની કોન્ફરન્સનો આવતીકાલથી આરંભ- રાષ્ટ્રીય સુરક્ષાના પડકારો પર થશે ચર્ચા

• આ વર્ષની પ્રથમ આર્મી કમાન્ડર્સ કોન્ફરન્સ આવતીકાલથી શરૂ
• 21 એપ્રિલ સુધી ચાલશે આ કોન્ફોરન્સ

દિલ્હીઃ વર્ષ 2023 ની પ્રથમ વર્ષની પ્રથમ આર્મી કમાન્ડર્સ કોન્ફરન્સ આવતીકાલથી શરૂ થઈ રહી છે. આવતીકાલs 17 એપ્રિલથી  21 એપ્રિલ સુધી ચાલનારી આ કોન્ફરન્સના પ્રથમ દિવસે, લશ્કરી કમાન્ડરો અને અન્ય વરિષ્ઠ અધિકારીઓ વર્ચ્યુઅલ માધ્યમથી જોડાવાના  છે.

તમામ અધિકારીઓ દિલ્હી પહોંચીને મહત્વપૂર્ણ મુદ્દાઓ પર વિગતવાર ચર્ચા કરશે. રક્ષા મંત્રી રાજનાથ સિંહ 19 એપ્રિલે સંમેલનને સંબોધિત કરશે. આર્મી કમાન્ડર્સ કોન્ફરન્સ વર્ષમાં બે વાર યોજાય છે અને તે લશ્કરી સંબંધિત નીતિઓ અને વિષયો પર વિચારણા કરવા અને નિર્ણયો લેવા માટે એક મહત્વપૂર્ણ મંચ છે.

ટોચના આર્મી કમાન્ડરો સોમવારથી શરૂ થનારી પાંચ દિવસીય કોન્ફરન્સમાં ચીન અને પાકિસ્તાન સાથેની સરહદો પર ભારતના રાષ્ટ્રીય સુરક્ષા પડકારો અને દળની લડાઇ ક્ષમતાને વધારવાના માર્ગોની વ્યાપક સમીક્ષા કરશે.અધિકારીઓએ જણાવ્યું હતું કે કોન્ફરન્સ 1.3 મિલિયન-મજબુત બળને સુધારવાની પ્રક્રિયા અને વિવિધ હેતુઓ માટે આર્ટિફિશિયલ ઇન્ટેલિજન્સ, રોબોટિક્સ અને વર્ચ્યુઅલ રિયાલિટી જેવી ઉચ્ચ તકનીકોના ઉપયોગ પર પણ ધ્યાન કેન્દ્રિત કરશે.

પરિષદમાં ‘ટ્રાન્સફોર્મેશન યર 2023’ હેઠળ આર્મીની યોજના, અગ્નિપથ યોજનામાં થયેલી પ્રગતિ અને ડિજિટાઈઝેશન અને ઓટોમેશન પહેલ પર ચર્ચા કરવામાં આવશે. 2023-પરિવર્તનનાં વર્ષ હેઠળ નક્કી કરાયેલી પ્રવૃત્તિઓની પ્રગતિની સમીક્ષા કરવામાં આવશે.

આ સાથે અગ્નિપથ યોજના, ડિજિટાઇઝેશન અને મિકેનાઇઝેશનની પણ સમીક્ષા કરવામાં આવશે. સંરક્ષણ મંત્રાલયના જણાવ્યા અનુસાર, કોન્ફરન્સમાં વર્તમાન અને ઉભરતી સુરક્ષા સંબંધિત પરિસ્થિતિઓ પર ઊંડાણપૂર્વક ચર્ચા કરવામાં આવશે અને સેનાની ઓપરેશનલ તૈયારીઓની સમીક્ષા કરવામાં આવશે.

ઉલ્લેખનીય છે કે આ પરિષદ 17 થી 21 એપ્રિલ દરમિયાન યોજાશે જેમાં કમાન્ડર પૂર્વી લદ્દાખમાં ત્રણ વર્ષના અવરોધને પગલે વાસ્તવિક નિયંત્રણ રેખા પરની સમગ્ર પરિસ્થિતિની સમીક્ષા કરશે.