સડક પરિવહન અને રાજમાર્ગ મંત્રાલય (MoRTH) લદ્દાખના બે સૌથી દૂરના વિસ્તારોને જોડતા 230 કિલોમીટરના કારગિલ-ઝાંસ્કર રોડને પહોળો અને અપગ્રેડ કરી રહ્યું છે. આ રોડ રાષ્ટ્રીય ધોરીમાર્ગ 301 નો મહત્વનો ભાગ છે. જે આગામી વર્ષ સુધીમાં પૂર્ણ થવાની આશા છે.
તે નેશનલ હાઈવે અને ઈન્ફ્રાસ્ટ્રક્ચર ડેવલપમેન્ટ કોર્પોરેશન (NHIDCL) દ્વારા બનાવવામાં આવી રહ્યું છે અને નજીકના ભવિષ્યમાં ભારતના વ્યૂહાત્મક દળોને મદદ કરવા ઉપરાંત સ્થાનિક લોકોના જીવનને સરળ બનાવશે. આ હાઈવેનો મોટો હિસ્સો પહોળો કરવાની કામગીરી ચાલી રહી છે. જ્યારે પ્રોજેક્ટ માટે ત્રણ નવા સ્પાન બ્રિજ પણ બનાવવામાં આવી રહ્યા છે.
મીડિયા રિપોર્ટ્સ અનુસાર, મંત્રાલયના દસ્તાવેજો અનુસાર, પ્રોજેક્ટને 11 પેકેજમાં વહેંચવામાં આવ્યો છે. જેમાં ત્રણ સ્પાન બ્રિજ બનાવવાનો પણ સમાવેશ થાય છે. નવીનતમ અપડેટ મુજબ, ચાર પેકેજો પર કામ પૂર્ણ થઈ ગયું છે.
કારગિલની બાજુથી પ્રથમ 57 કિમી બે પેકેજમાં વહેંચાયેલું છે જે ઓક્ટોબર 2025 સુધીમાં પૂર્ણ થશે. પ્રોજેક્ટનો બાકીનો ભાગ આ વર્ષે તૈયાર થવાની ધારણા છે.
લગભગ 19 કિલોમીટરનો પહેલો સ્ટ્રેચ – પ્રોજેક્ટ હેઠળનું પાંચમું પેકેજ – જૂન 2023માં પૂર્ણ થયું હતું. જ્યારે લગભગ 80 કિલોમીટરના વધુ બે પેકેજ ડિસેમ્બર 2023માં પૂર્ણ થયા હતા. આ ત્રણ પેકેજમાં અંદાજે 100 કિલોમીટરનું અંતર આવરી લેવામાં આવ્યું હતું, અને તેમાં 13 મોટા પુલ, 18 નાના પુલ અને 620 બોક્સ કલ્વર્ટનો સમાવેશ થાય છે. ત્રણ નવા સ્પાન બ્રિજમાંથી એકનું બાંધકામ જાન્યુઆરી 2024માં પૂર્ણ થયું હતું.