રેલવે મંત્રીએ કહ્યું-અફવાઓ પર ધ્યાન ન આપો,સીબીઆઈ તપાસ રિપોર્ટ પૂર્ણ થવાની રાહ જુઓ
ભુવનેશ્વર : રેલ મંત્રીએ બુધવારે ઓડિશાના બાલાસોરમાં ટ્રેન દુર્ઘટના પર વાત કરી હતી. તેમણે કહ્યું કે લોકોએ ટ્રેન દુર્ઘટના અંગે વહેતી અફવાઓ પર ધ્યાન ન આપવું જોઈએ. સીબીઆઈ તપાસ રિપોર્ટ આવે તેની રાહ જુઓ. સત્ય બહાર આવવું જરૂરી છે.
રેલવે મંત્રી અશ્વિની વૈષ્ણવે બુધવારે એક પ્રેસ કોન્ફરન્સમાં કહ્યું કે આ મામલો ખૂબ જ ગંભીર છે. આપણને આ કેસની તમામ હકીકતોની જાણવાની હોવી જરૂરી છે. આપણે ટેકનિકલ કારણોથી વાકેફ રહેવું જોઈએ. સીબીઆઈ તપાસ પૂર્ણ થયા બાદ આગળની કાર્યવાહી કરવામાં આવશે. સીબીઆઈની સાથે રેલ્વે સુરક્ષા કમિશનર પણ અકસ્માતની તપાસ કરી રહ્યા છે.
કોંગ્રેસે ટ્રેન અકસ્માતને ભયાનક અને ખતરનાક ગણાવ્યો હતો. આ સિવાય TMC ચીફ મમતા બેનર્જીએ કહ્યું હતું કે આ દુર્ઘટના કવચના અભાવે થઈ છે. રેલવે મંત્રીએ રાજીનામું આપવું જોઈએ. આ અંગે રેલવે મંત્રીએ કહ્યું હતું કે કવચને અકસ્માત સાથે કોઈ લેવાદેવા નથી. હું સ્પષ્ટ કરવા માંગુ છું કે હું ક્યાંય જવાનો નથી. હું અહીં છું ઘટનાનું રાજનીતિકરણ ન થવું જોઈએ.
રેલવેના એક અધિકારીએ જણાવ્યું હતું કે ટ્રેન દુર્ઘટનાનો ભોગ બનેલા મોટાભાગના લોકો પશ્ચિમ બંગાળ, બિહાર, ઝારખંડ, આંધ્રપ્રદેશ, તમિલનાડુ અને ઓડિશાના રાજ્યોના હતા. સીબીઆઈ, કમિશનર ઓફ રેલ્વે સેફ્ટી અને જીઆરપીએ ટ્રેન દુર્ઘટનાની તપાસ શરૂ કરી છે. ખુર્દા ડીઆરએમ રિંકેશ રોયને શંકા છે કે સાધનસામગ્રી સાથે છેડછાડ કરવામાં આવી છે, જેના કારણે આટલો મોટો અકસ્માત થયો છે.
