આ રાજ્યમાં વહેલી સવારે ભૂકંપના આંચકા અનુભવાયા,રિક્ટર સ્કેલ પર તેની તીવ્રતા 4.3 રહી

ગંગટોક:તુર્કીમાં ભૂકંપના કારણે સર્જાયેલી તબાહી વચ્ચે સોમવારે સવારે ભારતના સિક્કિમ રાજ્યમાં ભૂકંપના આંચકા અનુભવાયા હતા.નેશનલ સેન્ટર ફોર સિસ્મોલોજી અનુસાર, સિક્કિમના યુક્સોમમાં સવારે 4.15 કલાકે આંચકા અનુભવાયા હતા.રિક્ટર સ્કેલ પર તેની તીવ્રતા 4.3ની તીવ્રતા નોંધાઈ હતી.

તાજેતરમાં, 11 ફેબ્રુઆરીએ, ગુજરાતના સુરતમાં ધરતી ધ્રૂજી હતી.ભૂકંપની તીવ્રતા રિક્ટર સ્કેલ પર 3.8 માપવામાં આવી હતી. જો કે ભૂકંપના કારણે કોઈ નુકસાની કે જાનહાનિ થઈ નથી.

આ પહેલા તુર્કી અને સીરિયામાં ભીષણ તોફાન આવ્યું હતું.6 ફેબ્રુઆરીના ભૂકંપનો કાટમાળ હજુ હટાવવામાં આવી રહ્યો છે.આમાં અત્યાર સુધીમાં 34 હજારથી વધુ લોકોના મોત થયા છે. 6 ફેબ્રુઆરીએ તુર્કીમાં ભૂકંપના આંચકા અનુભવાયા હતા.ભૂકંપનો આંચકો સવારે 4.17 વાગ્યે આવ્યો હતો. રિક્ટર સ્કેલ પર તેની તીવ્રતા 7.8 મેગ્નિટ્યુડ હતી.ભૂકંપનું કેન્દ્ર દક્ષિણ તુર્કીમાં ગાઝિયાંટેપ હતું.