નવી દિલ્હીઃ કેન્દ્રીય ગૃહ મંત્રી અમિત શાહે જમ્મુ અને કાશ્મીરની સુરક્ષા સ્થિતિ અંગે જમ્મુમાં ઉચ્ચ સ્તરીય સુરક્ષા સમીક્ષા બેઠકની અધ્યક્ષતા કરી હતી. આ બેઠકમાં જમ્મુ અને કાશ્મીરના લેફ્ટનન્ટ ગવર્નર મનોજ સિંહા, કેન્દ્રીય ગૃહ સચિવ, મુખ્ય સચિવ, જમ્મુ અને કાશ્મીર, નાણાંકીય કમિશનર (ACS) ગૃહ, DGP, જમ્મુ અને કાશ્મીર, કમાન્ડર, ઉત્તરી કમાન્ડ, આર્મી અને ઈન્ટેલિજન્સ, BSF અને સીઆરપીએફ સહિતના વરિષ્ઠ અધિકારીઓએ ભાગ લીધો હતો. કે આતંકવાદીઓની સપોર્ટ સિસ્ટમ અને તેમની માહિતી પ્રણાલીને સંપૂર્ણપણે ખતમ કરવા માટે 360-ડિગ્રી સુરક્ષા વર્તુળને વધુ મજબૂત બનાવવામાં આવશે. તેમ ગૃહમંત્રી અમિત શાહે જણાવ્યું હતું.
બેઠક બાદ જમ્મુમાં કેન્દ્રીય ગૃહમંત્રીએ કહ્યું કે 1લી અને 2જી જાન્યુઆરી, 2023ના રોજ થયેલા આતંકવાદી હુમલામાં માર્યા ગયેલા લોકોના પરિવારજનોના દુઃખમાં સહભાગી થવા માટે રાજૌરીના ઉપલા ડાંગરી ગામની મુલાકાત લેવાના હેતુથી જવાનું થયું, પરંતુ ખરાબ હવામાનને કારણે તે શક્ય ન બન્યું. તેમણે કહ્યું કે તમામ પરિવારો સાથે ફોન પર વાત કરી અને તેમના દુઃખમાં સહભાગી થવાનો પ્રયાસ કર્યો. અમિત શાહે જણાવ્યું હતું કે તે તમામ પીડિત પરિવારોની હિંમત સમગ્ર દેશ માટે ઉદાહરણરૂપ છે અને આટલી મોટી દુર્ઘટના પછી પણ સખત લડત આપવાનું મનોબળ જાળવી રાખવું એ મોટી વાત છે.
કેન્દ્રીય ગૃહ મંત્રીએ કહ્યું કે પીએમ નરેન્દ્ર મોદીના નેતૃત્વમાં આતંકવાદ સામે ઝીરો ટોલરન્સની નીતિને અનુસરીને તમામ સુરક્ષા એજન્સીઓ આતંકવાદ સામે નિર્ણાયક યુદ્ધ લડી રહી છે. મોદી સરકાર પીડિત પરિવારોની સાથે મજબૂતીથી ઉભી છે અને તેમને મદદ કરવા માટે કટિબદ્ધ છે. સંપૂર્ણ સંવેદનશીલતા સાથે અસરગ્રસ્ત પરિવારોને સરકારની વિવિધ યોજનાઓ દ્વારા લાભ આપવામાં આવશે, તેમજ એલજી પાસે જે સત્તા છે તે દ્વારા તેમને મદદ કરવામાં આવશે.
અમિત શાહે જણાવ્યું હતું કે જમ્મુમાં સુરક્ષાના તમામ પાસાઓ પર સુરક્ષા એજન્સીઓ સાથે વિગતવાર બેઠક યોજવામાં આવી હતી, આગામી દિવસોમાં અત્યંત સુરક્ષિત ગ્રીડ બનાવવા અંગે પણ ચર્ચા કરવામાં આવી હતી. દેશની તમામ સુરક્ષા એજન્સીઓ સંપૂર્ણ રીતે તૈયાર છે અને આવી ઘટનાઓને રોકવા માટે તેમનું મનોબળ આત્મવિશ્વાસ સાથે રહે છે. તેમણે કહ્યું કે NIA અને જમ્મુ પોલીસ આ બે દિવસમાં બનેલી આતંકવાદી ઘટનાઓની સંયુક્ત રીતે તપાસ કરશે અને આ તપાસ છેલ્લા દોઢ વર્ષમાં બનેલી તમામ ઘટનાઓને એકસાથે રાખીને કરવામાં આવશે.
કેન્દ્રીય ગૃહમંત્રીએ કહ્યું કે આતંકવાદીઓની સપોર્ટ સિસ્ટમ અને તેમની માહિતી પ્રણાલીને સંપૂર્ણપણે ખતમ કરવા માટે 360-ડિગ્રી સુરક્ષા વર્તુળને વધુ મજબૂત બનાવવામાં આવશે. શ્રી શાહે કહ્યું કે આ આતંકવાદી ઘટનાઓ માટે જવાબદાર લોકોને વહેલી તકે કાયદાના દાયરામાં લાવીને સખત સજા કરવામાં આવશે.
અમિત શાહે કહ્યું કે જમ્મુ અને કાશ્મીરમાં આતંકવાદનો જન્મ થયો તે સમયની તુલનામાં, તાજેતરના સમયમાં સૌથી ઓછી ઘટનાઓ અને સૌથી ઓછા મૃત્યુ થયા છે. તેમણે કહ્યું કે ત્રણ મહિનામાં જમ્મુના દરેક વિસ્તારમાં સુરક્ષા ગ્રીડને વધુ મજબૂત કરીને તેને અભેદ્ય બનાવવામાં આવશે. જમ્મુના નાગરિકોને આશ્વાસન આપું છું કે આતંકવાદી સંગઠનોનો ઈરાદો ગમે તે હોય, પરંતુ અમારી સુરક્ષા એજન્સીઓ જમ્મુની સુરક્ષા માટે તૈયાર રહેશે.
