2018માં સ્થાપિત થઇ હતી દુનિયાની સૌથી ઉંચી પ્રતિમા ‘સ્ટેચ્યુ ઓફ યુનિટી,અમેરિકાની સ્ટેચ્યુ ઓફ લિબર્ટી કરતા ધરાવે છે બમણી ઊંચાઈ
વડોદરા:અંગ્રેજોને દેશમાંથી ભગાડવાની સાથે સાથે સરદાર વલ્લભભાઈ પટેલે રાષ્ટ્ર નિર્માણમાં મહત્વની ભૂમિકા ભજવી હતી.આ તે વ્યક્તિ હતી જેણે દેશના વિવિધ રજવાડાઓને એકતાના દોરમાં જોડી દીધા હતા.તેમના નિશ્ચયને કારણે જ તેમને ભારતના લોખંડી પુરુષનું બિરુદ આપવામાં આવ્યું હતું.આ વલ્લભભાઈ પટેલને શ્રદ્ધાંજલિ આપવા માટે PM નરેન્દ્ર મોદીએ સરદાર પટેલની પ્રતિમા બનાવવાનું નક્કી કર્યું અને તેને 2018 માં વાસ્તવિકતા બનાવી. હાલમાં, સરદાર પટેલની વિશ્વની સૌથી ઊંચી પ્રતિમા અમેરિકામાં બનેલી સ્ટેચ્યુ ઓફ લિબર્ટી કરતા લગભગ બમણી છે.
સરદાર પટેલની સ્મૃતિમાં દેશભરમાં અગણિત જગ્યાએ તેમની પ્રતિમાઓ સ્થાપિત કરવામાં આવી છે, પરંતુ વિંધ્યાચલ અને સાતપુરા પહાડીઓ વચ્ચે નર્મદા જિલ્લામાં સ્થિત સરદાર સરોવર ડેમ નજીક સ્થાપિત સરદાર પટેલની પ્રતિમા એટલે કે સ્ટેચ્યુ ઓફ યુનિટીની ઊંચાઈ 182 મીટર થી વધુ છે.તેનું ઉદ્ઘાટન 31 ઓક્ટોબર 2018 ના રોજ કરવામાં આવ્યું હતું, દરરોજ હજારો પ્રવાસીઓ અહીં પહોંચે છે.
સ્ટેચ્યુ ઓફ યુનિટીનું વજન 1700 ટન છે, તેને બનાવવા માટે લગભગ ત્રણ હજાર કરોડ રૂપિયાનો ખર્ચ કરવામાં આવ્યો છે.2018માં છપાયેલા સમાચાર અનુસાર, 200 એન્જિનિયર અને લગભગ 2500 મજૂરો તેને બનાવવામાં રોકાયેલા હતા.આમાંથી સેંકડો એન્જિનિયરો અને કામદારોને ચીનથી બોલાવવામાં આવ્યા હતા, કારણ કે સ્ટેચ્યુ ઓફ યુનિટી પહેલા ચીનના સ્પ્રિંગ ટેમ્પલમાં ભગવાન બુદ્ધની 153 મીટર ઊંચી પ્રતિમાના નામે વિશ્વની સૌથી ઊંચી પ્રતિમાનો રેકોર્ડ હતો.
સરદાર પટેલની પ્રતિમા બનાવવામાં 2989 કરોડ રૂપિયાનો ખર્ચ કરવામાં આવ્યો છે. મીડિયા રિપોર્ટ્સ અનુસાર, તેના નિર્માણમાં 200 એન્જિનિયર અને 2500 મજૂરો રોકાયેલા હતા. જો કે, આમાંના મોટાભાગના કામદારો અને નિષ્ણાતો ચીની હતા.
સ્ટેચ્યુ ઓફ યુનિટીનો શિલાન્યાસ 2013માં પીએમ મોદી દ્વારા કરવામાં આવ્યો હતો, આ માટે એક અભિયાન ચલાવવામાં આવ્યું હતું અને આ પ્રતિમા માટે લોકો પાસેથી લોખંડ માંગવામાં આવ્યું હતું, જેમાં ખેડૂતો પાસેથી ખેતીમાં વપરાતા જૂના અને અપ્રચલિત ઓજારો એકત્ર કરવામાં આવ્યા હતા. તેમાં લોખંડ ઉપરાંત લાખો ટન તાંબુ મૂકવામાં આવ્યું છે. તેની રચના એવી રીતે કરવામાં આવી છે કે આ મૂર્તિને ક્યારેય કાટ ન લાગે.
સ્ટેચ્યુ ઓફ યુનિટીની અંદર બે લિફ્ટ્સ પણ છે, જેના દ્વારા સરદાર પટેલની પ્રતિમાના ખભા નજીક પહોંચી શકાય છે. અહીં આવતા પ્રવાસીઓ લિફ્ટ દ્વારા ઉપર આવી શકે છે અને અહીંનો નજારો માણી શકે છે.
