- બોલિવૂડ એક્ટર સંજય કપૂરનો આજે જન્મદિવસ
- સંજયે પહેલી ફિલ્મ ‘પ્રેમ’ માં તબ્બુની સાથે કર્યું ડેબ્યૂ
- જાણો તેની ફિલ્મી કારકિર્દી સાથે જોડાયેલી રસપ્રદ વાતો
મુંબઈ :બોલિવૂડ એક્ટર સંજય કપૂર આજે પોતાનો 55 મો જન્મદિવસ ઉજવી રહ્યા છે. તેનો જન્મ 17 ઓક્ટોબર 1965 ના રોજ મુંબઈમાં થયો હતો. સંજય કપૂરે ઘણી સુપરહિટ ફિલ્મોમાં કામ કર્યું. સંજય કપૂરના પિતા પણ ફિલ્મ નિર્માતા હતા. જ્યાં સંજય અને અનિલ કપૂરે હીરો તરીકે ફિલ્મ ઇન્ડસ્ટ્રીમાં પ્રવેશ કર્યો. તેમના ભાઈ બોની કપૂરે ફિલ્મ નિર્માણ ક્ષેત્રે પગ મૂક્યો હતો. સંજય આજે 55 વર્ષના થયા છે ત્યારે અભિનેતાના જન્મદિવસના ખાસ પ્રસંગે તેની ફિલ્મી કારકિર્દી વિશે જાણીએ.
સંજયે પોતાની પહેલી ફિલ્મ ‘પ્રેમ’ માં તબ્બુની સાથે ડેબ્યૂ કર્યું હતું. પરંતુ આ ફિલ્મને વધારે સફળતા મળી ન હતી. આ પછી અભિનેતાએ ‘રાજા’માં કામ કર્યું જેમાં માધુરી દીક્ષિત હિરોઈન હતી.આ ફિલ્મ સુપરહિટ સાબિત થઈ અને સંજય રાતોરાત સ્ટાર બની ગયો. આ પછી, તેણે ‘આજોર’, ‘મોહબ્બત’ અને ‘સિર્ફ તુમ’ જેવી ઘણી ફિલ્મોમાં કામ કર્યું છે. જેના કારણે તેની કારકિર્દીને વધારે ફાયદો થયો નથી.એક્ટરએ તેની કેટલીક ફિલ્મોમાં નેગેટીવ ભૂમિકાઓ પણ કરી છે જ્યાં તેને ક્રિટીક્સ તરફથી ઘણી પ્રશંસા મળી.
સંજય કપૂરની ફિલ્મો ન ચાલી તો તેણે ફિલ્મો બનાવી.તેણે ત્રણ ફિલ્મો બનાવી, જેમાં તેવરમાં તેનો ભત્રીજો અર્જુન કપૂર અને સોનાક્ષી સિન્હા હતા.પરંતુ આ ફિલ્મો પણ ખાસ કંઈ કમાલ કરી શકી નહીં. સંજય તેની કારકિર્દીની બીજી ઇનિંગમાં ‘મિશન મંગલ’ અને ‘લસ્ટ સ્ટોરીઝ’માં જોવા મળ્યા હતા. આ સિવાય 2018 માં તે ટીવી પર ‘દિલ સંભલ જા જરા’માં જોવા મળ્યા હતા.