તુ જૂઠી મેં મક્કાર :OTT પર ક્યારે અને ક્યાં રિલીઝ થશે રણબીર-શ્રદ્ધાની ફિલ્મ, અહીં જાણો
મુંબઈ:રણબીર કપૂર અને શ્રદ્ધા કપૂરનો જાદુ ચાહકોના દિલમાં ખૂબ ચાલી રહ્યો છે. પહેલીવાર બંનેએ સાથે સ્ક્રીન શેર કરી છે. ફિલ્મ ‘તુ જૂઠી મેં મક્કાર’ બોક્સ ઓફિસ પર શાનદાર કમાણી કરી રહી છે. 8 માર્ચે રિલીઝ થયેલી તુ જૂઠી મેં મક્કારે 100 કરોડનો આંકડો પાર કરી લીધો છે.પઠાણ પછી બોલિવૂડની આ પહેલી હિટ ફિલ્મ છે. આ ફિલ્મ ટૂંક સમયમાં OTT પ્લેટફોર્મ પર પણ રિલીઝ થશે. OTT પર તમે ફિલ્મ ‘તુ જૂઠી મેં મક્કાર’ ક્યાં અને ક્યારે જોઈ શકો છો તે જાણો.
મીડિયા રિપોર્ટ્સ અનુસાર લવ રંજનની આ ફિલ્મ નેટફ્લિક્સ પર રિલીઝ થઈ શકે છે. જોકે, ફિલ્મ જોવા માટે તમારે થોડી રાહ જોવી પડશે. ડિજિટલ પાર્ટનર નેટફ્લિક્સ પર ફિલ્મની રિલીઝને લઈને મેકર્સ તરફથી હજુ સુધી કોઈ સત્તાવાર નિવેદન આવ્યું નથી.
ફિલ્મની રિલીઝને લઈને હજુ સુધી કોઈ સત્તાવાર માહિતી આપવામાં આવી નથી. પરંતુ સામાન્ય રીતે એવું જોવા મળે છે કે કોઈપણ ફિલ્મ બોક્સ ઓફિસ પર રિલીઝ થયાના 45 દિવસ પછી OTT પર પણ રિલીઝ થાય છે. એટલે કે, તમે મે મહિનામાં OTT પર ફિલ્મ તુ જૂઠી મેં મક્કાર જોઈ શકો છો.
લવ રંજન દ્વારા નિર્દેશિત આ ફિલ્મ બોક્સ ઓફિસ પર શાનદાર બિઝનેસ કરી રહી છે. આ ફિલ્મે 11 દિવસમાં 100 કરોડનો આંકડો પાર કરી લીધો છે. ફિલ્મના બજેટની વાત કરીએ તો તેનું બજેટ 95 કરોડની આસપાસ છે. ફિલ્મ હજુ પણ થિયેટરોમાં સારો દેખાવ કરી રહી છે.
