યુપી વિધાનસભા ચૂંટણી 2022:આવતા અઠવાડિયે UPમાં BJP કરશે છ રેલી, PM મોદી સહિત અનેક દિગ્ગજ નેતાઓ આપશે હાજરી

• આવતા અઠવાડિયે UPમાં BJP કરશે છ રેલી
• પીએમ મોદી સહીત અનેક નેતા આપશે હાજરી
• વારાણસી અને લખનઉમાં રેલીનું આયોજન

લખનઉ:ભારતીય જનતા પાર્ટીએ ઉત્તર પ્રદેશમાં યોજાનારી વિધાનસભા ચૂંટણી 2022ની તૈયારીઓ શરૂ કરી દીધી છે. ભાજપનું વધુ ફોકસ યુપી પર છે અને તેણે અત્યાર સુધી ઘણા દિગ્ગજોને મેદાનમાં ઉતાર્યા છે.તો એવું પણ કહેવામાં આવી રહ્યું છે કે, પાર્ટી આગામી સપ્તાહે યુપીમાં છ મોટી રેલીઓ કરશે અને પીએમ મોદી સહિત પાર્ટીના ઘણા મોટા દિગ્ગજ તેમાં સામેલ થશે. PM મોદી 7 ડિસેમ્બરે ગોરખપુરમાં મોટી રેલી કરશે અને તેમાં ચાર લાખ લોકો ભાગ લે તેવી અપેક્ષા છે.

પાર્ટીના ટોચના નેતાઓએ જણાવ્યું કે,આગામી સપ્તાહે ઘણી રેલીઓનું આયોજન કરવામાં આવશે અને તેમાં પાર્ટીના ટોચના નેતાઓ સામેલ થશે.પાર્ટીના રાષ્ટ્રીય અધ્યક્ષ જેપી નડ્ડા પણ તેમાં હાજરી આપશે.વાસ્તવમાં રાજ્યમાં આગામી વર્ષે યોજાનારી વિધાનસભાની ચૂંટણીને ધ્યાનમાં રાખીને આ તમામ રેલીઓનું આયોજન કરવામાં આવશે.આ રેલીઓ દ્વારા પાર્ટી યુપીમાં પોતાની પકડ વધુ મજબૂત કરવા માંગે છે.જ્યારે આ પહેલા પીએમ મોદી ગયા મહિને રાજ્યની ચાર મુલાકાત કરી ચૂક્યા છે.જ્યારે ભાજપના વ્યૂહરચનાકાર અને કેન્દ્રીય ગૃહમંત્રી અમિત શાહ રાજ્યની અવારનવાર મુલાકાતે છે.બે દિવસ પહેલા તેમણે યુપીના પશ્ચિમ ઉત્તર પ્રદેશમાં એક મોટી રેલી કરી હતી.

માહિતી અનુસાર, આ છ રેલીઓમાં પાર્ટી યુપીના મહત્તમ ભાગોને કવર કરશે અને યુપીના વારાણસી અને લખનઉ ઉપરાંત પશ્ચિમ યુપી, બુંદેલખંડમાં છ રેલીઓનું આયોજન કરવામાં આવશે.આ સાથે PM મોદી 7 ડિસેમ્બરે પૂર્વાંચલના ગોરખપુરમાં ખાતરની ફેક્ટરીનું ઉદ્ઘાટન કરશે અને અહીં એક મોટી જનસભાને સંબોધિત કરશે. જ્યારે તે પછી તે મહિનાના મધ્યમાં વારાણસી જશે.

જો 2017ની વિધાનસભા ચૂંટણીની વાત કરીએ તો આ ચૂંટણીમાં ભાજપને સૌથી મોટી જીત મળી હતી અને પાર્ટીને 312 સીટો મળી હતી. જ્યારે સમાજવાદી પાર્ટીને 47, બસપાને 19 અને કોંગ્રેસને સાત બેઠકો મળી હતી. બીજી તરફ આરએલડી અને નિષાદ પાર્ટીને 1-1 સીટ મળી છે. અપના દળે 9 અને સુહલદેવ ભારતીય સમાજ પાર્ટીએ 4 બેઠકો જીતી હતી. તેથી આ વખતે પણ પાર્ટી પર અગાઉની કામગીરીનું પુનરાવર્તન કરવાનું દબાણ છે.