યુએસ ઓપન: નોવાક જોકોવિચે ડેનિયલ મેદવેદેવને હરાવી 24મું ગ્રાન્ડ સ્લેમ ટાઇટલ જીત્યું
મુંબઈ: નોવાક જોકોવિચે તેના ઘમાકેદાર અંદાજમાં યુએસ ઓપન 2023ની ફાઇનલમાં ડેનિયલ મેદવેદેવને હરાવ્યો અને તેનું ચોથું યુએસ ઓપન ટાઇટલ જીત્યું. ફાઈનલ મેચમાં તેણે શાનદાર રમત બતાવી અને મેદવેદેવને ટકી રહેવાની તક આપી ન હતી. જોકોવિચનું આ 24મું ગ્રાન્ડ સ્લેમ ટાઈટલ છે. આ સાથે તેણે અનુભવી ટેનિસ ખેલાડી માર્ગારેટ કોર્ટના 24 ગ્રાન્ડ સ્લેમ ખિતાબના રેકોર્ડની બરોબરી કરી.
યુએસ ઓપન 2023ની ફાઇનલમાં નોવાક જોકોવિચ શરૂઆતથી જ લયમાં જોવા મળ્યો હતો. તેણે પહેલો સેટ 6-3થી સરળતાથી જીતી લીધો હતો. આ પછી, આગામી સેટમાં ડેનિયલ મેદવેદેવે પુનરાગમન કરવાનો શ્રેષ્ઠ પ્રયાસ કર્યો, પરંતુ તે સફળ થઈ શક્યો નહીં અને ટાઈ બ્રેકરમાં હારી ગયો. જોકોવિચે બીજો સેટ 7-6થી જીત્યો હતો. પછી ત્રીજા સેટમાં એવું લાગ્યું કે જોકોવિચ મેચ ઝડપથી ખતમ કરવા માંગે છે અને તેણે પોતાના અનુભવનો ભરપૂર ઉપયોગ કર્યો. તેણે ત્રીજો સેટ 6-3થી જીત્યો અને આ સાથે ટાઇટલ જીત્યું.
Novak hoists the 🏆 once again in New York! pic.twitter.com/LmZGzxT4Tp
— US Open Tennis (@usopen) September 11, 2023
સર્બિયાના નોવાક જોકોવિચે ડેનિયલ મેદવેદેવને હરાવીને તેનું ચોથું યુએસ ઓપન ટાઇટલ જીત્યું છે. આ પહેલા તેણે વર્ષ 2011, 2015 અને 2018માં યુએસ ઓપનનો ખિતાબ જીત્યો હતો. તે ખૂબ જ સારા ફોર્મમાં છે અને આ વર્ષે તેણે ઓસ્ટ્રેલિયન ઓપન અને ફ્રેન્ચ ઓપન પણ જીતી છે. આ સિવાય તે વિબંલડન ઓપનની ફાઇનલમાં પહોંચ્યો હતો, જ્યાં તેને કાર્લોસ અલ્કારાજ સામે હારનો સામનો કરવો પડ્યો હતો.જોકોવિચે 10 વખત ઓસ્ટ્રેલિયન ઓપન, 7 વખત વિબંલડન અને 3 વખત ફ્રેન્ચ ઓપનનું ગ્રાન્ડ સ્લેમ ટાઇટલ પણ જીત્યું છે. સૌથી વધુ ગ્રાન્ડ સ્લેમ જીતવાની બાબતમાં તે માર્ગારેટની બરાબરી પર છે. સેરેના વિલિયમ્સે 23 ગ્રાન્ડ સ્લેમ, રાફેલ નડાલે 22 અને રોજર ફેડરરે 20 ગ્રાન્ડ સ્લેમ ખિતાબ જીત્યા છે.
