- મજબૂત વાળ બનવા છે ?
- આયુર્વેદિક જડીબુટ્ટીઓનો કરો ઉપયોગ
- વાળની અનેક સમસ્યા થશે દૂર
વાળ ખરવા એ આજકાલ એક સામાન્ય વાત બની ગઈ છે. આ માટે, આજના સમયમાં લોકોનું ખાવાનું અને પીવાનું પણ ખૂબ જવાબદાર છે. સમયના અભાવે લોકો ફાસ્ટ ફૂડ ઉપર નિર્ભર બની રહ્યા છે. આના પરિણામે, ઘણી શારીરિક સમસ્યાઓ સાથે વાળ ખરવા અને નબળા પડવાની સમસ્યા સર્જાય છે. શરીરમાં અનેક પ્રકારની ઉણપ હોવાને કારણે વાળ નબળા પડવા લાગે છે અને તૂટી જાય છે.ત્યારે અમે તમને જણાવીશું વાળને મજબૂત બનાવવાની રીત..જો તમે આ આયુર્વેદિક જડીબુટ્ટીઓનો ઉપયોગ કરશો તો તમારા વાળ મજબૂત બનશે.
ભૃંગરાજ એ સૂર્યમુખી પરિવારની એક જડીબુટ્ટી છે. તેના પાન વાળના વિકાસ માટે ફાયદાકારક માનવામાં આવે છે. તે મૂળને મજબૂત કરવામાં પણ મદદ કરે છે. તે આયર્ન, મેગ્નેશિયમ, વિટામિન ઇ અને ડીનો સમૃદ્ધ સ્ત્રોત છે. આ ગુણધર્મો વાળને પોષણ આપે છે અને કોઈપણ નુકસાનને અટકાવે છે.
મેથી એક આયુર્વેદિક ઘટક છે,જે વાળ ખરતા, ખોડો ઓછો કરવામાં અને માથાની ચામડીને મોઇશ્ચરાઇઝ કરવામાં મદદ કરે છે. તે આયર્ન, પ્રોટીન, ફોલિક એસિડ અને A, K અને C જેવા વિટામિન્સનો સમૃદ્ધ સ્ત્રોત છે. તમે મેથીને પીસીને તેની પેસ્ટમાં ઉપયોગ કરી શકો છો, જે પછી હેર માસ્ક અથવા ક્લીનઝર તૈયાર કરવા માટે ઉમેરી શકાય છે.
પાતળા અને ખરતા વાળને દૂર રાખવા માટે તમે આમળાનો ઉપયોગ કરી શકો છો. તે વિટામિન સી અને એન્ટીઑકિસડેંટથી ભરપૂર છે, જે તંદુરસ્ત વાળને જાળવવામાં મદદ કરે છે. આમળા વાળ માટે શ્રેષ્ઠ આયુર્વેદિક જડીબુટ્ટીઓમાંથી એક છે.
