વરુણ ધવન અને કિયારા અડવાણીની ફિલ્મ જુગ જુગ જીયો આ તારીખે થશે રિલીઝ

• વરુણ-કિયારા એક સાથે જોવા મળશે
• 24 જૂન 2022 ના રોજ રિલીઝ થશે ફિલ્મ 
• કરણ જોહરે કરી જાહેરાત  

મુંબઈ : વરુણ ધવન અને કિયારા અડવાણી ફિલ્મ જુગ જુગ જીયોમાં સાથે જોવા મળશે. આ ફિલ્મની ચાહકો આતુરતાથી રાહ જોઈ રહ્યા છે. હવે ચાહકોની રાહનો અંત આવવાનો છે કારણ કે આજે કરણ જોહરે ફિલ્મની રિલીઝ ડેટની જાહેરાત કરી છે. ફિલ્મમાં વરુણ અને કિયારા સાથે અનિલ કપૂર, નીતુ સિંહ અને પ્રાજક્તા કોલી મહત્વની ભૂમિકામાં જોવા મળશે.

કરણ જોહરે સોશિયલ મીડિયા પર ફિલ્મની કેટલીક ઝલક શેર કરવાની સાથે રિલીઝ ડેટની જાહેરાત કરી છે.આ ફિલ્મ 24 જૂન 2022ના રોજ સિનેમાઘરોમાં રિલીઝ થશે.

કરણ જોહરે ફિલ્મના સેટ પરથી કેટલીક તસવીરો શેર કરી છે. આ તસવીરો લગ્નની છે. ફોટામાં વરુણ ધવન દુલ્હન તરીકે અને કિયારા અડવાણી દુલ્હન તરીકે જોવા મળી રહી છે. બીજી તરફ નીતુ કપૂર, અનિલ કપૂર અને પ્રાજક્તા કોલી લગ્નમાં ખૂબ જ ખુશ દેખાઈ રહ્યા છે. આ તસવીરો શેર કરતાં કરણે લખ્યું- જુગ જુગ જિયો 24 જૂન, 2022ના રોજ સિનેમાઘરોમાં આવી રહ્યું છે. આવો અમારી સાથે પરિવારની ઉજવણી કરો.

નીતુ સિંહ લાંબા સમય પછી જુગ જુગ જિયોમાં વાપસી કરી રહી છે. હાલમાં જ તેણે ફિલ્મનું શૂટિંગ પૂર્ણ થવા પર એક પોસ્ટ શેર કરી હતી. જેના પર ઘણા સેલેબ્સે કોમેન્ટ કરી અને તેના વખાણ કર્યા.આ ફિલ્મ રાજ મહેતા દ્વારા નિર્દેશિત છે અને કરણ જોહર દ્વારા નિર્મિત છે.