- સાડીમાં સ્લિમ દેખાવા માંગો છો ?
- બ્લાઉઝની આ રીતે કરો પસંદગી
- આ ટિપ્સ સ્લિમ દેખાવામાં મદદરૂપ
સાડી એ એક એવું વસ્ત્ર છે, જે સામાન્ય રીતે લગ્ન, સગાઈ અથવા અન્ય કોઈપણ પારિવારિક કાર્યમાં પહેરવામાં આવે છે.સામાન્ય રીતે સ્લિમ મહિલાઓ સાડી સાથે કોઈપણ પ્રયોગ સરળતાથી કરી લે છે, કારણ કે કોઈપણ પ્રકારનો ડ્રેસ તેમના પર સરળતાથી ફિટ થઈ જાય છે, પરંતુ વજનવાળી મહિલાઓ માટે તે એક મોટો પડકાર છે.ઘણી વખત સાડી પહેરીને જાડી સ્ત્રીઓ વધુ વજનદાર દેખાવા લાગે છે. એવામાં સુંદર, આકર્ષક દેખાવાની ઈચ્છા પર પાણી ફરી વળે છે. જો તમારું વજન પણ વધારે છે, તો તમારે સાડી સિવાય બ્લાઉઝ પણ ખૂબ સમજી વિચારીને તૈયાર કરવું જોઈએ.અહીં જાણો તે ટિપ્સ જે તમને સાડીમાં પણ સ્લિમ દેખાવામાં મદદરૂપ થઈ શકે છે.
સાડી પસંદ કરતી વખતે આ બાબતોનું રાખો ધ્યાન
વજનદાર મહિલાઓએ સાડીની પસંદગી ખૂબ જ કાળજીપૂર્વક કરવી જોઈએ.જાડી સ્ત્રીઓ પાતળી બોર્ડરવાળી સાડીઓ, ડબલ શેડની સાડીઓ, નાની પ્રિન્ટની સાડીઓ પહેરીને થોડી સ્લિમ દેખાય છે.આ સિવાય મેદસ્વી લોકો માટે કાળો રંગ પરફેક્ટ માનવામાં આવે છે.આ સિવાય તમે જ્યારે પણ સાડી પહેરો ત્યારે ચોક્કસથી હીલ્સ કેરી કરો જેથી તમારી લંબાઈ યોગ્ય દેખાય.જો તમારી ઊંચાઈ ઓછી હોય તો પણ તમે વધુ વજન નજરે પડે છે.
બ્લાઉઝ બનાવતી વખતે રાખો આ વાતોનું ધ્યાન
બ્લાઉઝને બહુ ઢીલું ન સીવવું. લૂઝ બ્લાઉઝ તમારા શરીરને વધુ વિશાળ બનાવે છે.એટલા માટે ફિટિંગ માટે હંમેશા બ્લાઉઝ સ્ટીચ કરાવો.
મોટે ભાગે લાંબી બાંયના બ્લાઉઝ પહેરો.શોર્ટ સ્લીવ બ્લાઉઝ અથવા સ્લીવ વગર પહેરવાથી તમારા હાથ ખૂબ જાડા દેખાય છે.
જો તમારી કમરની આસપાસ ચરબી જમા થઈ ગઈ હોય, તો તમારે ડીપ નેક પહેરવાનું ટાળવું જોઈએ. ડીપ નેક પહેરીને સુંદર દેખાવાના બદલે તમારું શરીર ભારે લાગશે.
જો તમારી ગરદન નાની હોય, તો કોલરવાળા બ્લાઉઝ, બોટ નેક અથવા બંધ ગળાના પેટર્નવાળા બ્લાઉઝ ન પહેરો.આ તમારી ગરદનને સંપૂર્ણપણે ઢાંકી દેશે અને તમે વધુ જાડા દેખાશો.
ડાર્ક કલરના પહોળા ગોળાકાર નેકલાઇનવાળા બ્લાઉઝ તમારી સ્થૂળતાને છુપાવવાનું કામ કરે છે.બીજી તરફ, ફ્રિલ, રફલ્સ, હેવી વર્ક અને એમ્બ્રોઇડરીવાળા બ્લાઉઝ તમને વધુ જાડા બનાવે છે.તેમને પહેરવાનું ટાળો.