માત્ર સુંદર ચહેરો જ નહીં પણ જાડી આઈબ્રો પણ સુંદરતામાં વધારો કરે છે.દરેક સ્ત્રી ઈચ્છે છે કે તેનો ચહેરો આકર્ષક દેખાય.આંખોની સુંદરતામાં આઈબ્રો પણ મુખ્ય ભૂમિકા ભજવે છે.પરંતુ જો આઈબ્રો લાઈટ અને ડલ હોય તો સુંદરતા ફીકી લાગે છે. આછા આઈબ્રોને કારણે ચહેરો પણ નિસ્તેજ દેખાય છે. મહિલાઓ પણ જાડી આઈબ્રો માટે ઘણી પ્રોડક્ટ્સનો ઉપયોગ કરે છે, પરંતુ તમે કેટલાક ઘરેલું ઉપચારની મદદથી તમારી આઈબ્રોને જાડી બનાવી શકો છો. તો ચાલો જાણીએ તેમના વિશે…
એલોવેરા જેલ
આઈબ્રોને જાડી કરવા માટે તમે એલોવેરા જેલનો ઉપયોગ કરી શકો છો.તમારી આંગળીઓ પર થોડું એલોવેરા જેલ લગાવો. ત્યારબાદ તેને આઈબ્રો પર મસાજ કરો. 5-10 મિનિટ પછી તમારી આઈબ્રોને ધોઈ લો.ધીરે ધીરે તમે ફરક જોશો.
ઓલિવ ઓઈલ
તમે ઓલિવ ઓઈલ વડે આઈબ્રોને જાડી અને મજબૂત બનાવી શકો છો.રાત્રે સૂતા પહેલા ઓલિવ ઓઈલથી આઈબ્રોની માલિશ કરો.આંગળીઓ પર થોડું ઓલિવ ઓઈલ લગાવો.આ પછી આઈબ્રોને 5-10 મિનિટ સુધી મસાજ કરો.રોજ સૂતા પહેલા ઓલિવ ઓઈલની માલિશ કરો.ધીરે ધીરે આઈબ્રો જાડો થવા લાગશે.
નાળિયેર તેલ
આઈબ્રોને જાડી કરવા માટે તમે નાળિયેર તેલનો ઉપયોગ કરી શકો છો.સ્કિન કેરથી લઈને હેર કેર સુધી મહિલાઓ તેનો ભરપૂર ઉપયોગ કરે છે.નિયમિત આઈબ્રો પર નાળિયેર તેલની માલિશ કરવાથી આઈબ્રો ઘાટો અને જાડો થશે.