પશ્ચિમ રેલવે: અમદાવાદ વિભાગે ટિકિટ વગર ફરતા લોકોને કર્યો દંડ, ટિકિટ દલાલી કરતા લોકો પણ ઝડપ્યા
- ઓક્ટોબર મહિનામાં ટિકિટ ચેકિંગમાં નોંધપાત્ર સિદ્ધિ
- અમદાવાદ વિભાગ ટિકિટ વગર ફરતા લોકોને કર્યો દંડ
- અમદાવાદ ડિવિઝનને અંદાજે રૂ. 1 કરોડ 80 લાખની આવક
અમદાવાદ:સઘન ટિકિટ ચકાસણી ઝુંબેશમાં દિવાળીના તહેવારને ધ્યાનમાં રાખીને ઑક્ટોબર મહિનામાં અમદાવાદ ડિવિઝનના ટિકિટ ચેકિંગ વિભાગને અંદાજે રૂ. 1 કરોડ 80 લાખની આવક થઈ હતી, જેમાં ટિકિટ વગર, અનિયમિત ટિકિટો, દલાલો દ્વારા છેતરપિંડી અને સ્ટેશન પર અનઅધિકૃત વિક્રેતાઓ સામે સઘન ટિકિટિંગ નું ચકીંગ કરવામાં આવ્યું હતું.
વધુ માહિતી આપતા ડિવિઝનલ રેલ્વે પ્રવક્તાએ જણાવ્યું હતું કે,ખાસ કરીને અમદાવાદ ડિવિઝન સિવાય ઉત્તર ભારત તરફ જતી તમામ મુખ્ય ટ્રેનોમાં સઘન ટિકિટ ચેકિંગ કરવામાં આવ્યું હતું.પરિણામ સ્વરૂપે, ઑક્ટોબર 2021 મહિનામાં, કુલ 26962 મુસાફરો ટિકિટ વિના અથવા અયોગ્ય ટિકિટ પર મુસાફરી કરતા પકડાયા હતા, તેમની પાસેથી લગભગ એક કરોડ 80 લાખ રૂપિયાની આવક થઈ હતી.
આ સઘન તપાસમાં ડીવીઝનના તમામ ટીકીટ ચેકીંગ સ્ટાફે મહત્વની ભૂમિકા ભજવી હતી. જેમાં અમદાવાદ ડિવિઝનના ડેપ્યુટી ચીફ ટિકિટ ઈન્સ્પેક્ટર નીરજ મહેતા દ્વારા વ્યક્તિગત રીતે ઉત્તમ કામગીરી કરી ઓક્ટોબર 2021 માં જેમણે રૂ. 15, 62,710/ ની રકમ મેળવી હતી અને સજી ફીલીપ્સ દ્વારા 1775 પેસેન્જરો પાસેથી કુલ 12, 77,350 થી વધુ આવક થઈ હતી. જે વ્યક્તિગત રીતે અમદાવાદ મંડળ માં મોટી સિદ્ધિ અને રેકોર્ડ છે.
માન્ય અને માન્ય ટિકિટ સાથે મુસાફરી કરતા મુસાફરોને અસુવિધા ટાળવા મુસાફરી દરમિયાન માન્ય ઓળખ કાર્ડ સાથે રાખવા વિનંતી કરવામાં આવે છે. વધુમાં, મુસાફરોએ હંમેશા યોગ્ય આરોગ્ય પ્રોટોકોલનું પાલન કરવું જોઈએ.
