શરીરને તંદુરસ્ત અને સ્વસ્થ રાખવા માટે જો સવારમાં કેટલીક આદતોને અપનાવી લેવામાં આવેતો તે અનેક રીતે ફાયદાકારક છે. જેમ કે જો સવારમાં ખાલી પેટે આદુવાળુ પાણી પીવામાં આવે તો તેનાથી પણ અનેક રીતે ફાયદા થઈ શકે છે.
જો કોઈને ઊબકાની સમસ્યા સતાવતી હોય તો સવારે ઉઠીને આદુનું પાણી અચૂક પીવું જોઈએ. આદુનું પાણી ઉબકામાં જ નહીં પરંતુ ઉલ્ટીની સમસ્યામાં પણ મોટી રાહત આપે છે. આદુમાં જોવા મળતું જીંજરોલ નામનું તત્વ પાચન સબંધિત સમસ્યાને દૂર કરે છે અને પેટનું સ્વાસ્થ્ય સુધારે છે.
જો કોઈ વ્યક્તિને સવારમાં અશક્તિ રહેતી હોવાની સમસ્યા હોય તો તે વ્યક્તિએ દિવસની શરૂઆત આદુનું પાણી પીવાથી કરવી જોઈએ, જે ઉર્જા આપવાનું કામ કરે છે. તે બ્લડ સર્ક્યુલેશન સુધારે છે અને શરીરમાંથી ઝેરી ટોક્સિન દૂર કરવાનું કામ કરે છે. ચા અને કોફીમાં આદુના રસના થોડા ટીપાં ઉમેરીને પીવી જોઈએ.
આદુમાં પેરાડોલ, જીંજરોલ અને શોગાઓલ નામના તત્વ હોય છે, જેમાં બળતરા વિરોધી ગુણ ધરાવે છે. બળતરાના કારણે સ્નાયુમાં દુખાવો, સાંધામાં દુખાવો અને શરીરમાં સોજો આવે છે, જો આદુનું પાણી પીવામાં આવે તો શરીરનો દુખાવો ઓછો કરવામાં મદદ મળે છે. આટલું જ નહીં, તે મહિલાઓમાં માસિક ધર્મ દરમિયાન ખેંચાણ પણ ઘટાડે છે.
આ લેખમાં આપવામાં આવેલી માહિતી સામાન્ય ધારણાઓ પર આધારિત છે અને તેની કોઈ પૃષ્ટિ કરવામાં આવતી નથી.