વોટ્સએપ યુઝર્સ હવે વોઈસ કોલ પર કસ્ટમ વોલપેપર એડ કરી શકશે,ટૂંક સમયમાં આવી રહ્યું છે નવું ફીચર

• વોટ્સએપ યુઝર્સને થશે ફાયદો
• વોઈસ કોલ પર કસ્ટમ વોલપેપર એડ કરી શકાશે
• ટૂંક સમયમાં આવી રહ્યું છે નવું ફીચર

વોટ્સએપ પ્લેટફોર્મ પર વધુ ને વધુ પર્સનલાઇઝેશન ફીચરને ઉમેરવા માટે જાણીતું છે.ઇન્સ્ટન્ટ મેસેજિંગ સેવાએ થોડા સમય પહેલા દરેક ચેટ પર આધારિત વોલપેપર સપોર્ટ ઉમેર્યો હતો, જે યુઝર્સને દરેક ચેટ અને જૂથ માટે અલગ ચેટ પૃષ્ઠભૂમિની મંજૂરી આપે છે.જો કે, જ્યારે યુઝર્સ અન્ય પાર્ટીને WhatsApp વૉઇસ કૉલ કરે છે, ત્યારે ડિફોલ્ટ સ્ક્રીન બેકગ્રાઉન્ડ બની જશે.

WABetaInfoના નવા અહેવાલ મુજબ, WhatsApp ટૂંક સમયમાં જ યુઝર્સને તેમના ઇન-કોલ વૉલપેપર તરીકે તેમની ચેટ પૃષ્ઠભૂમિનો ઉપયોગ કરવાની મંજૂરી આપી શકે છે.આમાં વ્યક્તિગત ચેટ વોલપેપર્સનો સમાવેશ થાય છે જે યુઝર્સએ અલગ-અલગ ચેટમાં સેટ કર્યા છે.આ ફીચર ડેવલપમેન્ટ હેઠળ છે અને હજુ સુધી એન્ડ્રોઇડ અથવા iOS પર એપના બીટા વર્ઝનને હિટ કર્યું નથી.

જો તમે વોટ્સએપના સ્ટેબલ વર્ઝનનો ઉપયોગ કરો છો, તો નવા ફીચરના અપડેટની રાહ ન જુઓ કારણ કે તેમાં થોડો સમય લાગી શકે છે.

તાજેતરમાં જ WhatsAppએ iOS 15 પર કેટલાક નવા ફીચર્સ ઉમેર્યા છે.આમાં ફોકસ મોડ અને નોટીફિકેશન સાથે ગ્રુપ અને પ્રોફાઇલ પિક્ચર્સ ડિસ્પ્લે કરવું સામેલ છે.

વૉઇસ નોટ્સ રેકોર્ડ કરતી વખતે ઍપમાં પોઝ અને રિઝ્યૂમ સપોર્ટ પણ ઉમેર્યા છે.જ્યારે વૉઇસ નોટ લેતી વખતે તમને કોઈ વ્યક્તિ દ્વારા અટકાવવામાં આવે અથવા લાંબી વૉઇસ નોટ રેકોર્ડ કરતી વખતે બ્રેક લેવાની જરૂર હોય ત્યારે આ સુવિધા કામમાં આવી શકે છે.