જીએસએમએ ઇન્ટેલિજન્સનાં તાજેતરનાં ડેટા અનુસાર, વિશ્વમાં 5.16 અબજ લોકો મોબાઇલ ફોનનો ઉપયોગ કરી રહ્યાં છે. આવી સ્થિતિમાં, ચાલો જાણીએ કે મોબાઈલ ફોનના ઉત્પાદનમાં કયો દેશ આગળ છે.
ઉલ્લેખનીય છે કે ચીન વિશ્વમાં મોબાઈલ મેન્યુફેક્ચરિંગમાં સૌથી આગળ છે. એટલે કે મોટાભાગના મોબાઈલ ફોન ચીનમાં બને છે.
આ યાદીમાં ભારતનું નામ બીજા નંબરે આવે છે. દેશને વૈશ્વિક ઉત્પાદન કેન્દ્ર બનાવવા માટે શરૂ કરાયેલ મેક ઇન ઇન્ડિયા અભિયાનનું પરિણામ એ છે કે આજે ભારત વિશ્વમાં બીજા નંબરનું સૌથી મોટું મોબાઇલ ઉત્પાદક બની ગયું છે.
નોંધનીય છે કે 2014માં તેના લોન્ચિંગ સમયે દેશમાં માત્ર બે ફેક્ટરીઓ મોબાઈલ ફોનનું ઉત્પાદન કરતી હતી. હવે 200 થી વધુ ફેક્ટરીઓ મોબાઈલનું ઉત્પાદન કરી રહી છે.
તમને જણાવી દઈએ કે 2014માં ભારત 1,556 કરોડ રૂપિયાના મોબાઈલની નિકાસ કરતું હતું જે હવે વધીને 1.2 લાખ કરોડ રૂપિયા થઈ ગયું છે. ભારતમાં વપરાતા 99 ટકા મોબાઈલ હવે દેશમાં જ બને છે.
દુનિયાભરની ઘણી ઓટોમોબાઈલ કંપનીઓ ભારતમાં પ્લાન્ટ સ્થાપી રહી છે, જેના કારણે આજે ભારત વિશ્વનું ચોથું સૌથી મોટું ઓટોમોબાઈલ માર્કેટ બની ગયું છે.