- કોરોનાના નવા વેરિએન્ટનું નામ એમિક્રોન રાખવામાં આવ્યું
- દક્ષિણ આફ્રીકાના દેશોમાં મળી આવ્યા છે આ વેરિએન્ટના કેસો
દિલ્હીઃ- વિશ્વભરમાં કોરોના વાયરસનું જોખમ ફરી એક વખત મંડળાઈ રહ્યું છે.કોરોનાનું સંક્રમણ હજી ઓછો થયુ નથી. અમેરિકા અને યુરોપિયન દેશો કોરોનાની ચોથી થી પાંચમી તરંગની ઝપેટમાં આવી ચૂક્યા છે. તે જ સમયે, આફ્રિકન દેશ બોત્સ્વાનામાં જોવા મળતા કોરોનાના નવા B.1.1.529 પ્રકારનું નામ હવે બદલવામાં આવ્યું છે. વર્લ્ડ હેલ્થ ઓર્ગેનાઈઝેશન એ આ વેરિઅન્ટને ઓમિક્રોન નામ આપ્યું છે.
વર્લ્ડ હેલ્થ ઓર્ગેનાઈઝેશને આ બબાતે વિતેલા દિવસને શુક્રવારે આ પ્રકાર પર ચર્ચા કરવા માટે એક બેઠક યોજી હતી, જ્યાં આ કોરોનાના પ્રકારનું નામ આપવામાં આવ્યું હતું.
આ કોરોના વેરિઅન્ટનું નામ પણ ગ્રીક વર્ણમાળા પરથી રાખવામાં આવ્યું છે.આ પહેલા, ડેલ્ટા વેરિઅન્ટ, કે જેણે ડિસેમ્બર 2020 ના અંતમાં વિશ્વભરમાં તબાહી મચાવી હતી, તેનું નામ પણ WHO દ્વારા રાખવામાં આવ્યું હતું જેને ચિંતાના પ્રકાર તરીકે વર્ગીકૃત કરવામાં આવ્યું હતું.
ઉલ્લેખનીય છે કે આફ્રિકન દેશ બોત્સ્વાનામાં જોવા મળતો કોરોનાનો નવો B.1.1529 પ્રકાર કેટલો ખતરનાક હશે તે કહેવું મુશ્કેલ છે. જો કે, નિષ્ણાતોના મતે, આ અત્યાર સુધીનું સૌથી મ્યુટેડ વેરિઅન્ટ છે. એટલે કે ચીનમાં જોવા મળતા કોરોનાના મૂળ સ્વરૂપનું તે સૌથી અત્યાધુનિક સ્વરૂપ છે. વૈજ્ઞાનિકોનું કહેવું છે કે આ પ્રકારમાં 30 મ્યુટેશન જોવા મળ્યા છે. આ ડેલ્ટા કરતાં લગભગ બમણું મ્યુટેશન છે.
