દિવાળીનો તહેવાર કેમ છે મહત્વનો, વાંચો તેનો ઈતિહાસ
- દિવાળીના તહેવારનું મહત્વ
- વાંચો તેનો ઈતિહાસ
- કેમ ઉજવવામાં આવે છે દિવાળી
દિવાળીનો તહેવાર એટલો મહત્વનો છે કે તેને લઈને દેશભરમાં અલગ જ પ્રકારનો ઉત્સાહ જોવા મળતો હોય છે. ભારતમાં તથા હવે તો વિદેશોમાં પણ ભારતનો આ તહેવાર લોકો ધૂમધામથી ઉજવે છે. પણ આજે લોકોએ તે પણ જાણવું જોઈએ કે દિવાળીના તહેવારનું મહત્વ શું છે અને તેને કેમ ઉજવવામાં આવે છે.
આ તહેવારને દીપાવલી તરીકે પણ ઓળખવામાં આવે છે જેનો અર્થ ‘પ્રકાશની પંક્તિ’ થાય છે અને તે પાંચ દિવસના સમયગાળામાં ઉજવવામાં આવે છે. દિવાળીની ઉત્પત્તિ પ્રાચીન ભારતમાં શોધી શકાય છે, જ્યારે તે લણણીના તહેવાર તરીકે શરૂ થઈ હોવાનું કહેવાય છે. જો કે, તેના ઇતિહાસ સાથે વિવિધ દંતકથાઓ જોડાયેલ છે. જ્યારે કેટલાક માને છે કે તે દેવી લક્ષ્મી અને ભગવાન વિષ્ણુના લગ્નની ઉજવણી છે, તો કેટલાક તેને દેવી લક્ષ્મીના જન્મની ઉજવણી તરીકે પણ માને છે.
દિવાળી એ બુરાઈ પર સારાની જીતનું પ્રતીક છે. અંધકાર અને દુષ્ટતાના નાશના સંકેત આપતા પ્રકાશ અને દિવડાઓ દરેક જગ્યાએ હાજર છે. બધા લોકો સાથે મળીને ઉજવણી કરે છે અને પ્રાર્થના કરે છે, પ્રેમ અને પવિત્રતાનું વાતાવરણ બનાવે છે. ભૂતકાળ પર ચિંતન કરવાનો અને આવનારા વર્ષમાં વધુ સારા નિર્ણયો લેવાનો આ દિવસ છે.
દિવાળી એ વ્યક્તિના અંતરને પ્રકાશિત કરવાનો અને અંદરના તમામ અંધકારને દૂર કરવાનો દિવસ છે. આ વર્ષે ભારતીયો 4 નવેમ્બરે પ્રકાશનું મહાપર્વ દિવાળી ઉજવશે જે ગુરુવારે આવશે. આ તહેવાર ઘરોને દિપક અને રોશનીથી પ્રકાશિત કરવા, મીઠાઈઓ ખાવા, નવા કપડાં પહેરવા અને ફટાકડા ફોડવા માટે જાણીતો છે. તે હિંદુ સંસ્કૃતિના સૌથી મોટા તહેવારોમાંનો એક છે અને સમગ્ર વિશ્વમાં તેને ઉજવવામાં આવે છે.
