World Diabetic Day :ડાયટમાં આ હેલ્ધી વસ્તુઓને કરો સામેલ,બ્લડ શુગર લેવલ રહેશે નિયંત્રણમાં
આજના સમયમાં ડાયાબિટીસ એક સામાન્ય રોગ બની ગયો છે. તેણે બાળકોથી લઈને વડીલો સુધી બધાને જકડી લીધા છે. જીવનભર આ રોગ અનેક રોગોનું કારણ બને છે.આપણી રોગપ્રતિકારક શક્તિને નષ્ટ કરવા સાથે તે શરીરમાંથી વર્તમાન ઊર્જાને બહાર કાઢી નાખે છે. જેના કારણે શરીર પર વાયરલ, ફ્લૂ જેવી બીમારીઓની અસર વધે છે.
ડાયાબિટીસ એક ખૂબ જ ખતરનાક રોગ છે, પરંતુ હજુ પણ લોકોમાં તેના વિશે એટલી જાગૃતિ નથી.વિશ્વ આરોગ્ય સંસ્થા (WHO)ના સહયોગથી દર વર્ષે 14 નવેમ્બરના રોજ વિશ્વ ડાયાબિટીસ દિવસ ઉજવવામાં આવે છે,જેથી લોકોને જાગૃત કરવા અને ખાવા-પીવા પર ધ્યાન આપવામાં આવે.
ડાયાબિટીસની બીમારી સામે લડવા માટે દવાઓની સાથે લોકો વિવિધ ઘરેલું ઉપચાર પણ અપનાવે છે.હેલ્ધી ડાયટમાં એવી ઘણી વસ્તુઓનો સમાવેશ થાય છે જે આ બીમારીથી છુટકારો મેળવવામાં મદદરૂપ થાય છે.તો ચાલો જાણીએ કે,ડાયાબિટીસના દર્દી તેના આહારમાં કયા પ્રકારની ખાદ્ય વસ્તુઓનો સમાવેશ કરી શકે છે.
સોયાબીનને પ્રોટીનનો સારો સ્ત્રોત માનવામાં આવે છે. તેમાં મિનરલ્સ ઉપરાંત વિટામિન બી કોમ્પ્લેક્સ અને વિટામિન એ પણ ભરપૂર માત્રામાં જોવા મળે છે.તેથી જ શાકાહારી લોકો જે જીમ કરે છે તેઓ પ્રોટીન માટે સોયાબીનનું સેવન કરે છે.લોકો સોયાબીનની સબ્જી અને સોયાબીન રાઈસ ખૂબ જ ઉત્સાહથી ખાય છે.સોયાબીનની હેલ્ધી ઇડલી પણ બનાવીને ખાઈ શકાય છે, જે ડાયાબિટીસના દર્દીઓને પણ નુકસાન પહોંચાડતી નથી.
કારેલા સ્વાદમાં ભલે કડવા હોય, પરંતુ તેના ફાયદા અસંખ્ય છે.કારેલાનું સેવન કરવાથી પેટમાં ગેસની સમસ્યા દૂર થાય છે.કારેલાના સેવનથી શરીરમાં બ્લડ સુગર કંટ્રોલ રહે છે.કારેલાનો રસ ડાયાબિટીસના દર્દીઓ માટે રામબાણ છે.રોજ સવારે કારેલાના રસનું સેવન કરવાથી ડાયાબિટીસ નિયંત્રણમાં રહે છે.જોકે તેની કડવાશને કારણે લોકો તેને પીવાનું પસંદ કરતા નથી. કારેલાનો રસ ડાયાબિટીસના દર્દીઓ માટે અમૃત સમાન ગણાય છે.
આજકાલ દરેક ત્રીજો વ્યક્તિ ડાયાબિટીસની સમસ્યાથી ઝઝૂમી રહ્યો છે.આ રોગ યુવાનો અને મોટાભાગે વૃદ્ધોને જકડી લે છે.આ રોગની અસર ઘટાડવા માટે એલોપેથિક દવાઓની સાથે લોકો યોગ્ય આહાર પર પણ ધ્યાન આપે છે, જેમાં દર્દીઓ વિવિધ ઘરેલું ઉપચાર પણ અપનાવે છે. અળસીનો ઉકાળો તે અસરકારક ઉપાયોમાંનો એક છે.
